زمان الطفوله

الله اكبـر يـا زمـان الطفولـه
أحلا زمانٍ مرنـي فـي حياتـي
من زود شوقي قمت اساير ميوله
حتى وصلت لشارع الذكرياتـي
وقفت اطالع به ونفسي خجولـه
والعبره القشرا لجت في لهاتـي
أخذت في ذيك الممـرات جولـه
اروح وارجع والتفت في إسكاتي
هذاك مقعدنـا وهـذي ادلولـه
وهناك ملعبنـا بذيـك الفلاتـي
وهذاك دكانٍ لـه الكـل يولـه
عقب الغدا فيه انتجمـع زتاتـي
في طوفته والا حواليـه حولـه
يمكن بقايـا احروفنـا بيناتـي
واليـا تجمعنـا مشينـا حمولـه
لاهين ما ندري عن المقبلاتـي
هذاك حافـي ضايعـاتٍ نعولـه
وهذا عليـه هدومـه معفساتـي
وهذا يتفاخر قدم ربعـه بزولـه
وهذا يعاندنا بحـذف الحصاتـي
ومن فاز منـا ربعنـا صفقولـه
تقول كنه كاسـبٍ لـه غناتـي
محدٍ يحاسبنا عن اللـي نقولـه
جهال نلعـب بالخطـر مانحاتـي
واليا تزاعلنا رضينـا بسهولـه
مـا همّنـا إلا لعبنـا والمباتـي
فريجنا كلـه بعرضـه وطولـه
كله نعرفه مـن عيـال وبناتـي
وقفت فكري حاير مـن ذهولـه
عطشان لأيـامٍ لنـا ماضياتـي
والله يلولا اللوم لأنسى الرجوله
واني لخط الملعبة فـي عصاتـي
واني لنادي كل ربـع الطفولـه
يمكن انهم حنوا لذيـك الحياتـي

مشكور على الكلمات الرائعة
تقبل مروري

غراتسي

مشكوووووووووووووووووور

يسلمو

الله يعطيك الف عافيه

تقبل مروري

مشكووور على الاشعار الجميلة

كلمات حلللللللوة

كلمات روووووووووعه

كلمات قمة في الروووعة

يعطيك الف عافية

مشكووووووووووووور كتييييييييييييييييير
يسلمو